نجد ؛ وبطاقة خروج وضحى !

عندنا بالمدرسة نظام غبي شوي :P

ألا وهو البنت ما تطلع من الفصل بدون بطاقة خروج من المعلمة "حمّام - تروحين لم إستاذة - تجيبين أغراض للأستاذة .... إلخ"

أمس سرقنا بطاقة أ. لغتي "الله يتوب علينا"

وأنا مع شلّة مذلولة يسمونها ( شلة مصطفى ) !! < بلاهم إني دفرة :P

جت وحدة من شلة ذولاك قالت لي: خوذي بطاقة وضحى إذا أشّرت لك ! (السبب إن الأخت معلمة اللغة تحط كتبها ع طاولتي ودايم بالترم الأول كنت أشيل أغراضها وأحطها بطاولة الكمبيوتر وتعصّب ذذ) + (وضحى = أبلة لغتي لكن البنات يحسّون إنها ما تستاهل اللقب ذذ)

المهم وافَقْت صح إننا شلتها وشلتنا ما نحب بعض لكن دامها على أبلا وضحى الكل يتفق :P

وأخذت البطاقة يوم صدّت وغبيتها ف الدرج، وغبيتها بعد دقائق بجيبي

جت هيآ الماصلة وقالت أبلا بروح للحمام :P < الأخت ما تدري وش السالفة ذذ

وتدّور ع بطاقتها وما لقتها ! ومنّا ومناك ما لقتها !

"هيا يا عزيزاتي، سنعمل تفتيش عن البطاقة !" < قالته وهي تمزح ذذ

وتبدأ تجيب البنات اللي تشك فيهم والبنات يجيبون المصحف < يعني يحلفون :P

الحمد لله ما شكت بي ذذ، وأنا خايفة قلت عشان ما يوضح خوفي بحل الواجب ولا يهمني شيء ذذ

صفّرت الطلعة وأشوا طلعت بدون ما تسألني

وعطيت اللي تبي تسرق البطاقة "روان" بطاقتها ذذ

وراحت ل بيتهم بالبطاقة ذ1

وبديت أحس بالذنب :" إلى الآن :"

كل اللي فوق كان أمس

يجي اليوم ودخلت الفصل "توني جاية"، سألوني البنات: نجد معك البطاقة ؟ < صديقة روان علمتهم يمكن ذذ

قلت: مو معي مع روان !

جت وضحى الحصة الثانية وقالت نجد أنتِ اللي أخذتي البطاقة ؟ < يحول ما فطنَت إلا يوم تخلصّت منها :P

قالت اللي ما يعترف بنوديكم كلكم للإدارة !

خفت ! < بلاي دفرة ذذ

قلت بقرأ 10 آيات من سورة الكهف، علّي أحصل على الأمان من ربي، خلاص اللحين أنا ندمت !!

لقيت دعاء ألا وهو "ربنا آتنا من لدنك رحمة وهيء لنا من أمرنا رَشَدا " هذا الدعاء اللي قالوه أصحاب الكهف

بديت أردد وأردد الدعاء، ما حصل شيء ف الحصة الثالثة ! < تعرفون تهديد المعلمات ذذ < أو إنه الدعاء مستجآب !

الحمد لله زال كل شيء بقلبي !، لكن يبقى الندم !

جت صديقة روان (معنا بالخطة) وقآلت لا تخافين إذا جو قولي أنا مالي دخل أصلا أنتِ مالك دخل !، وكل شلّتك ! وخليه علينآ !

ارتحت شوي

يوم جت حصة لغتي قالت: خلاص عطوني بطآقة جديدة وأخذها لكل الفصول إلّا فصلكم !!

هيا توّرطت واعترضت !! < راعية طلعة حمام كل حصة تطلع مرتين لعب !!

ويحووول الباقين خرب عليهم ذذ، أحسن عشان ما تطلع هيا للحمآم ه1

أستغفر الله يا ربي، ما أعودها مرة ثانية - إن شاء الله - .