تطنز ب نفسكك !!

ايه ومحد يعرف وش سالفة ذذ غيري أنا واللي حضروا الموضوع وصاحب الاختراع
أخذوه بس كذا بالعرض
مثل ماقال أحمد شوقي المتنبي ولد الجاحظ "رأيت الناس يقولون شيئا فقلته"

عمركم شفتوا احد يدق على البقالة وهو يصيح
هذي محدثتكم

القصة ومافيها

في يوم زقزقت فيه معدتي الخاوية وقررت اروح ادور شي يوقف جرس انذار ذبذبات معدتي اللي ترسلها لعقلي
وتحسسني اني تراي يعني جوعانة وما أكلتي من مدري متى أسطوانة المعدة المعتادة
رحت افتح باب الثلاجة مالقيت شي مليانة ومافيها شي ينوكل مدري شلون تجي شطة امي وكراث جمعتنا امس وجحه معطيتن خشته تبتسم بشر تعرفون دايم انا وياه مشاكل مااحبه ولا تحبن وفواكه وخضار وعصير وكاكاو حالفة ركان ان لو احد يلمسهن تهتز الارض تحته وتبلعه وتضيع معالمه ويختفي من الوجود ولا احد يدري بأي ارض
تعوذت من ابليس يوم تذكرت دعاويه وسكرت الثلاجة ورحت ابحث عن شي آكله خبز مافيه قلت بدق على البقالة يجيب
وأنا في طريقي درقع دربع طرنق طااااخ "خطرفت وطحت " <-- هذا وانتي خطرفتي اجل لو تدربيتي وش بيصير
سميت وناظرت فيه جرح ولا شي كل شي سليم رقيت دخلت غرفتي ودقيت عالبقالة وهو يرن توووجعن رجلي
ويرد راعي البقالة نفسه براس خشمه كالعادة الوووو قلت الو ابغى خبز قال طيب سكتت قال بس انا توجعن رجلي قلت ايه ويحمممق علي ياملا الماحي قال هذا واحد ريال انا وصل مافيه مايجي أنا علطول نزلن دموعي جوعانة وطايحة بالدرج ورجلي توجعن وهندي البقالة ينافخ هذا اللي ناقص مافيها ابوقف صياحي عيّا يوقف
واصك السماعة يوم هديت وادق اول مارد بدن دموعي يمشن واطلب ودموعي اربع اربع
لو يشوفن احد كان فنقس من الضحك